Ambasada amerikane në Prishtinë ka shkruar në faqen e vet në Facebook për kërcyesit në Urën e Fshajt duke shprehur mahnitjen e saj për guximin e tyre, si dhe ka treguar se si gazeta e përditshme në Uashington DC, Express, e ka përdorur foton nga kjo garë në një nga numrat e saj.
Po ashtu, ka shkruar edhe për atletët kosovarë dhe ata amerikanë që kanë udhëtuar për Rio për të garuar në Lojëra Olimpike, duke kërkuar nga të tjerët që t’iu bashkohen asaj në përkrahjen e ekipeve të Kosovës dhe ShBA-së.
Ja postimi i plotë:
Uau, kërcyesit guximtarë kosovarë janë të famshmit e botës. E kemi zënë këtë foto në koverin e gazetës së përditshme në Uashington DC, Express.
Do t’i ndjekim disa nga atletet tjerë të Kosovës në Lojërat Olimpike Rio 2016 këtë fundjavë. Bashkohuni me ne për t’i uruar fat ekipit të ShBA-së dhe atij të Kosovës në Rio.
