Alexis Sanchez ka lënë të kuptohet se nuk do t’i bashkohet Bayern Munichut këtë verë pasi është pyetur rreth transferimit të tij te kampioni gjerman.
Sulmuesi i Arsenali shënoi gol për Kilin në barazimin e tyre 1 me 1 ndaj Gjermanisë mbrëmjen e së enjtes në kuadër të Kupës së Konfederatave, transmeton portali arbresh.info. Gazetari i ‘Bild’ për skuadrën kombëtare të Gjermanisë, Heiko Niedderer pretendon që kur ai ka pyetur direkt Sanchezin nëse do t’i bashkohet Bayernit, kiliani ka buzëqeshur dhe u përgjigj thjeshtë “jo”.
Sanchez është pyetur rreth të ardhmes së tij edhe nga ‘Omnisport’, por sulmuesi zgjodhi që të fokusohet tek përgjigjet e tij vetëm për Kupën e Konfederatave me Kilin.
“Ashtu siç e keni thënë edhe ju, ëndrra jonë është të fitojmë këtë kompeticion”, u përgjigj ai.
“Ne jemi vërtet të fokusuar në atë dhe ne mendojmë se jemi në gjendje ta bëjmë këtë”./arbresh.info
