Një aksident trafiku në mes dy veturash ka ndodhur sot rreth orës 12:30, në Prishtinë.
Gjatë ditës së sotme ka ndodhur një aksident trafiku në Prishtinë, ku lëndime të vogla trupore ka pësuar një person.
Lexues të Gazetës Express kanë dërguar fotografi nga vendi i ngjarjes ku shihen dy vetura të cilat janë aksidentuar.
Lajmin për Express e ka konfirmuar edhe Zëdhënësja e Policisë për rajonin e Prishtinës, Flora Ahmeti e cila ka thënë se policia ka dalë në vendin e ngjarjes.
“Në rrugën Ali Kelmendi është raportuar për një aksident trafiku në mes të dy veturave. Një person ka pësuar lëndime sipërfaqësore, ndërsa policia ka dalë në vendin e ngjarjes”, ka thënë Ahmeti./GazetaExpress
