Agjenti i Dimitri Payet ka thënë se intervista e klientit të tij e publikuar në ‘The Sun’ se do të qëndrojë ‘100 %’ te West Hami, është e montuar
Gjatë ditës së djeshme u raportua se Dimitri Payet nuk do të largohet nga klubi anglez. Sipas ‘The Sun’, këto ishin fjalë të vetë lojtarit francez, i cili shkëlqeu në Euro 2016 dhe kërkohet nga shumë klube Evropiane.
Mirëpo, një gjë të tillë e ka hedhur poshtë agjenti i lojtarit, që ka thënë se deklarata është e montuar.
“Jam i suprizuar me ato deklarata sepse Payet nuk ka dhënë intervistë për asnjë medium”, tha ai për Daily Mail.
“Payet po i shijon pushimet, i meriton ato – ka nevojë për diçka të tillë pas humbjes në finale”, shtoi agjenti i lojtarit.
“Deklaratat për të ardhmen e Payet janë vetëm në imagjinatën e gazetarit, i cili duhet të përgjigjet”, përfundoi agjenti i Payet.
