Analisti i kompanisë KGI Securities, Ming-Chi Kuo, i cili ka informata shumë të mira nga Apple, beson se telefoni i shumë pritur OLED iPhone nuk do të hyjë në prodhim masiv para tetorit ose nëntorit, transmeton KosovaPress.
Raportohet, se telefoni i ri do të sjellë ndryshime të dukshme të harduerit, të cilat do të ndikojnë në shtyrjen e lansimit të pajisjes.
Nëse analisti Ming-Chi Kuo ka të drejtë, atë herë kjo nuk do të jetë gjë e mirë për Apple.
Edhe pse ishte folur për ardhjen e tre iPhone këtë vit, modeli OLED është ai të cilin shumica e presin.
Ndryshe, Apple zakonisht prezantimin e telefonave të ri e bën në muajin shtator, derisa porositë nisin më vonë.
