Në Prishtinë këtë të diel është shënuar 36 vjetori i rënies së dëshmorëve, Naser Hajrizi dhe Asllan Pierva.
Në një ceremoni të mbajtur në kinemanë “ABC”, u tha se Hajrizi dhe Pireva janë dëshmorët e parë të demonstratave të vitit 1981, njofton Klan Kosova.
Për nder të veprës së tyre aty është shfaqur një dokumentar i titulluar “Për ty atdhe”.
Veprimtari Jashar Alija ka thënë se kujtimi për këta dy dëshmorë do të jetë i përjetshëm.
Pas ceremonisë përkujtimore do të vendosen edhe lule të lapidari i dëshmorëve në Prishtinë.
