Derbi mes Espanol de Braunschweig dhe Braunschweiger MTV 2, në kategorinë inferiore në Gjermani, ka përfunduar me dhunë
Më së keqi pas kësaj ndeshja e ka pësuar portieri spanjoll, Alberto Mier Sañudo, i cili është pjesë e ekipit Espanol de Braunschweig.
Pas ndeshjes, tifozët dhe lojtarët e skuadrës së Braunschweiger MTV 2 kanë ushtruar dhunë mbi Sanudon, shkruan e përditshmja sportive madrilen, AS, përcjell Express.
Portieri i Espanol de Braunschweig është rrehur derisa ka ndërhyrë policia. Sanudon është shtruar në spital me nofull të thyer dhe vesh të shqyer. /Express/
