Roberto Mancini e ka hedhur poshtë mundësinë se ai mund të emërohet trajner i kombëtares italiane pas shkarkimit të Giampiero Ventures.
Ventura u shkarkua në mes javë pasi dështoi ta çojë Italinë në Kupën e Botës për herë të parë pas 60 viteve, transmeton Express.
Ndërkohë që Carlo Ancelotti është favorit, Mancini është emri tjetër i madh në listën e trajnerëve që mund ta marrin drejtimin e “Të Kaltërve”.
Por, ish trajneri i Interit dhe Manchester City ka thënë se është i lumtur në Zenit dhe nuk mendon për kombëtaren.
“Si shumë bashkatdhetarë, edhe unë kam ëndërruar ta shihja Italinë në Kupën e Botës në Rusi. Jam trishtuar shumë kur kam parë që Italia u eliminua. Nuk jam i befasuar se emri im është në listë. Por, jam i lumtur në Zenit”, ka thënë Mancini për Match TV. /Express/
