Sergio Aguero është i lumtur në Manchester City pas një fillimi të vështirë nën urdhrat e Pep Guardioals, por situata rreth kontratës së tij me klubin është rrethuar nga një mister.
Aguero beson se është në formën e tij të jetës pasi e theu rekordin si golashënuesi më i mirë i City, por përsëri e ka rritur konfuzionin rreth kontratës së tij me skuadrën duke thënë se nuk e di sa vite i kanë mbetur në kontratën aktuale, transmeton Express.
Kur u pyet në shkurt se kur i skadon kontrata, Aguero tha në vitin 2020, por më pas në disa raste tjera pati thënë në vitin 2019, në fakt.
I pyetur të mërkurën mbrëma nëse mund ta sqarojë situatën rreth kontratës së tij, ai tha: “Nuk e di, nuk e mbaj në mend. Mendoj në vitin 2019, duhet ta kontrolloj përsëri”. /Express/
