Kryeministri i Spanjës, Mariano Rajoy, ka thënë se i ka kërkuar liderit të Katalonjës, Carles Puigdemont, të konfirmojë nëse e ka shpallur pavarësinë.
Ai ka thënë se është e nevojshme ta dijë një gjë të tillë para se qeveria e Spanjës të ndërmarrë masa tjera, raporton BBC, përcjell Express.
Dje, Puigdemont e nënshkroi deklaratën e pavarësisë, por e shtyu zbatimin e saj për të lejuar mbajtjen e negociatave.
Rajoy e akuzoi Puigdemontin se me qëllim ka krijuar paqartësi dhe tha se dëshiron t’i bëjë të qarta gjërat. /Express/
