Ministri i Punës dhe Mirëqenies Sociale në Serbi, Aleksandar Vulin ka thënë sot për mediat serbe se ai mund të ndodhet në territorin e Kosovës dhe të vizitoi secilin qytet pa dijeninë e autoriteteve të Kosovës
“Në një afat të shkurtër kjo është hera e katërt që më është ndaluar hyrja për në Kosovë dhe kjo është hera e katër që është shkelur marrëveshja e Brukselit dhe ata kanë shkelur të gjitha rregullat e sjelljes për të cilat janë rënë dakord. Autoritet kosovare e dinë se unë mund të hyjë në çdo qytet të Kosovës që dëshiroj dhe sigurisht pa pyetur”, ka thënë Vulin, transmeton Indeksonline.
Ndryshe duhet përkujtuar që Ministria e Punëve të Jashtme të Kosovës i ka ndaluar dje hyrjen në Kosovë Aleksandar Vulin-it dhe se arsyeja e ndalesës së kësaj vizite sipas burimeve nga MPJ-ja, ishin deklaratat e tij provokuese në vizitat paraprake.
Ministri në largim, Enver Hoxhaj edhe më herët ka deklaruar se nuk do të lejohen zyrtarë të cilët nuk i përmbahen rregullave të marrëveshjes për vizitat zyrtare të arritur në Bruksel./Indeksonline/
