Federata e Futbollit e Belgjikës ka bërë diçka të çuditshme. Belgët kanë hapur konkurs për të kërkuar pasardhësin e Mark Vilmotsit
Federata Belge e Futbollit ka postuar një lajmërim në ueb faqen e saj se po kërkon trajner dhe ka ftuar çdokënd që e mendon veten një kandidat të aftë, që ta kontaktojë.
Federata Belge ka shpjeguar në lajmërimin e saj se kërkon një person “komunikues” i cili ka “prova të mjaftueshme se u transmeton njohuri taktike dhe strategjike” lojtarëve.
Për të zënë vendin e lënë bosh pas shkarkimit të Mark Vilmots, kandidatët duhet të listojnë “eksperiencë dhe rezultate në botën e futbollit që po ndryshon me shpejtësi”.
Kushdo që e mendon të arsyeshme, mund të aplikojë nëpërmjet faqes së internetit të Federatës Belge deri më datë 31 korrik.
