Aleix Vidal do të largohet nga Barcelona në muajin janar.
Mbrojtësi i krahut të djathtë është lënë jashtë ekipit nga Luis Enrique dhe e ardhmja e tij me Barcelonën po shkon drejt fundit.
Për ish-futbollistin e Sevillas janë duke u interesuar shumë skuadra dhe sipas agjentit të lojtarit, Graziano Battistini, ai mund të transferohet te Milani, transmeton KosovaPress.
“Duhet të gjejmë një zgjidhje sa më shpejtë që të jetë e mundur”, ka thënë Battistini për Estadio Deportivo.
“Shumë skuadra janë duke u interesuar për Aleix, por ende nuk kemi vendosur se ku do të shkojë. Milani? Ata janë një prej ekipeve që e duan lojtarin, por mbetet të shihet se çka do të ndodhë deri atëherë”.
Për Vidal ka shfaqur interesim edhe ekipi i La Ligës, Valencia.
