Zoran Zaev u rizgjodh në postin e kryetarit të Lidhjes Socialdemokrate të Maqedonisë (LSDM) në kongresin e 22-të të kësaj partie, që u zhvillua dje në Shkup.
Në këtë kongres do të zgjidhen edhe nënkryetarët, anëtarët e këshillit qendror dhe atij mbikëqyrës.
Radmila Sheqerinska mbeti nënkryetare e partisë, ndërsa gjatë javës së ardhshme do të zgjidhen edhe katër nënkryetarët.
“Të krijojmë shoqëri me vlera dhe mundësi të barabarta. Kjo është rruga drejt BE-së dhe NATO-s… Unë jam i përgatitur për këtë rrugë”, tha Zaev pas rizgjedhjes.
“Do të punojmë për ndërtimin, jo shkatërrimin. Përcaktimet tona strategjike janë demokracia, transparenca, liria, prosperiteti dhe mundësitë e barabarta. Partnerët tanë janë Bashkimi Evropian dhe NATO dhe qëllimi ynë është t’i sigurojmë perspektivat euro-atlantike”, theksoi ai.
