Dyzet persona kanë humbur jetën dhe qindra të tjerë janë ende të zhdukur në Kaliforni, gjashtë ditë pasi zjarret masive kanë shkatërruar zonat rurale dhe kanë bërë shkrumb e hi mijëra shtëpi.
Guvernatori i Kalifornisë tha kjo se ishte “një nga tragjeditë më të mëdha” që shteti kishte pasur ndonjëherë.
Më shumë se 10,000 zjarrfikës po luftojnë me 16 zjarret e mbetura, raporton “BBC”
Erërat e deri në 70 kilometra kanë kontribuar në përhapjen e zjarreve, të cilat kane “përpirë” qytete të tëra, duke detyruar shumë njerëz të evakuoheshin.shkruan syri.net. Një nga zonat më të prekura është qyteti i Santa Rosas, ku të shtunën janë evakuuar 3.000 persona.
“Shkatërrimi është i pabesueshëm,” tha Guvernatori Jerry Broën gjatë një vizitë në qytet. “Është një tmerr që askush nuk mund ta kishte imagjinuar.”
Qindra njerëz mbeten të zhdukur pasi t paktën 22 zjarre përfshinë të gjithë shtetin amerikan.
Zjarret kanë shkatërruar më shumë se 3,500 ndërtesa e shtëpi dhe mbi 68,800 hektarë tokë derisa deri tani janë zhvendosur rreth 25,000 njerëz.
Shifrat e përditësuara të viktimave tregojnë se zjarret e fundit janë zjarret më vdekjeprurëse në Kaliforni që nga viti 1933, kur 29 persona vdiqën nga flakët në Griffith Park në Los Anxhelos.
Akoma nuk është e qartë se çfarë ka shkaktuar këto zjarre që kanë filluar të dielën mbrëma, por zyrtarët fajësojnë se telat e rrymës të shkatërruaar nga erërat e forta.
