Zgjedhja e Trump president ndez protesta në shumë qytete të ShBA-së

Mijëra demonstrues kanë dalë në rrugët e disa qyteteve në ShBA, për të protestuar kundër zgjedhjes së Donald Trump president, shkruan sot BBC.

Shumica prej tyre brohorisnin   me sloganin “Trump nuk është presidenti im”. Të  tjerë digjnin kukulla portokalli , të ngjashme me ngjyrën e flokëve  të biznesmenit, transmeton KosovaPress.

Trump do të bëhet presidenti i  45-të amerikan, pas sigurimit të fitores  së papritur ndaj Hillary Clinton.

Ai do të takohet me presidentin në detyrë në Shtëpinë e Bardhë  Barack Obama,  për bisedime që kanë për qëllim sigurimin e një tranzicioni të qetë./KosovaPress/