Ministri i Financave dhe Trasnfereve, Bekim Bislimi ka marrë vendim që afati për pagesën e tatimeve të zgjatet deri më 30 qershor, raporton Express.
Përmes një njoftimi në faqen zyrtare, Ministria e Financave ka njoftuar se tatimpaguesit të cilët janë në vështirësi financiare për shkak të pandemisë, munden që të bëjnë kërkesë për marrëveshje të pagesës me këste.
“Pavarësisht pikës 1 të këtij Vendimi, afati për deklarimin e tatimeve sipas pikës 1 të këtij vendimi mbetet deri me datën 30 prill 2020 dhe bëhet në pajtim me legjislacionin tatimor në fuqi. Ky Vendim do të zbatohet për të gjithë tatimpaguesit të cilët në bazë të legjislacionit tatimor janë të obliguar të deklarojnë dhe paguajnë për këto lloje tatimesh”, thuhet në njoftim.
Për të gjitha llojet e tjera të tatimeve afati për deklarim dhe pagesë përfundon me datën 30 prill 2020 sipas Vendimit Nr. 26/2020 të datës 19.03.2020, të Ministrit të Financave dhe Transfereve.
𝗠𝗶𝗻𝗶𝘀𝘁𝗿𝗶 𝗕𝗶𝘀𝗹𝗶𝗺𝗶 𝗺𝗲𝗿𝗿 𝗲𝗱𝗵𝗲 𝗻𝗷ë 𝘃𝗲𝗻𝗱𝗶𝗺 𝗻ë 𝗳𝗮𝘃𝗼𝗿 𝘁ë 𝗯𝗶𝘇𝗻𝗲𝘀𝗲𝘃𝗲Prishtinë – 27 prill 2020 Ministri i Financave dhe…
Posted by Ministria e Financave dhe Transfereve / Republika e Kosovës on E hënë, 27 April 2020
