Kryetarja e Kuvendit të Kosovës, Vjosa Osmani, ka folur edhe njëherë lidhur me deklaratat e Kryeministrit Albin Kurti, rreth propozimit që tarifa ndaj mallrave serbe të zëvendësohet me reciprocitet.
Osmani u shpreh në cilësinë e përfaqësueses së koalicionit VV-LDK që mes këtyre dy subjekteve ka pajtueshmëri lidhur me këtë ide sa i përket çështjes së taksës.
”Kryeministri i vendit dje me të drejtë e konfirmoi që ne kemi pajtueshmëri të plotë që tarifa, jo taksa, të zëvendësohet me reciprocitet në raport me Serbinë”.
”Ne si Kuvend nuk e marrim atë vendim, por komenti im është në raport me pyetjen se: çka mendon koalicioni qeverisës?”
”Ka pajtim të tillë, është pjesë e programit të përbashkët qeverisës ndërmjet partnerëve të koalicionit dhe është lexuar edhe nga ana e kryeministrit dhe partnerët e koalicionit”.
