Kryeministri i Maqedonisë, Zoran Zaev, deklaroi sot se as këtë vit nuk do të shqyrtohet anëtarësimi i Kosovës në UNESCO dhe se ai nuk është në dijeni nëse kjo çështje do të jetë në rendin e ditës edhe vitin e ardhshëm.
Ai megjithatë nuk është përgjigjur lidhur me qëndrimin e Maqedonisë ndaj kësaj çështjeje.
“Kjo çështje nuk do të hapet këtë vit”, tha Zaev.
Ai ka thënë pas takimit me kryeministren e Serbisë Ana Brnabiq, se Serbia dhe Maqedonia mund të avancojnë bashkëpunimin reciprok, sidomos në fushën e ekonomisë, pasi ekziston një potencial i madh, transmeton KosovaPress.
