Persona të armatosur kanë vrarë 36 minatorë në minierën e arit në veriperëndim të Nigerisë, njofton policia.
Sulmuesit u futen me vrull në një kamp miniere në rrethinën Maru, në shtetin Zamfara, dhe i qëlluan për vdekje 36 minatorë, transmeton Express.
Motivi i sulmit mbetet i paqartë. Guvernatori i Zamfara, Abdulaziz Yari Abubakar, e ka quajtur sulmin akt terrorist.
Në korrik të këtij viti, presidenti nigerian Muhammadu Buhari dërgoi forcat speciale për t’i luftuar grupet kriminale në malet e Zamafa.
Qindra njerëz janë vrarë në fshatrat e kësaj zonë gjatë tri viteve të fundit./Express/
