Policia e Kosovës përmes një njoftimi për media ka bërë të ditur vrasjen që ka ndodhur në pasditen sotme në Pejë.
“Ju informojmë se sot me datë 06.03.2017 rreth orës 16:16, Policia e Kosovës, përkatësisht Drejtoria Rajonale në Pejë ka pranuar informacionin se në lagjen Fidanishte në Pejë ka ndodhur një gjuajtje me armë zjarri, me ç’rast një person kishte ndërruar jetë në vendin e ngjarjes, sipas konfirmimit të ekipit mjekësor.
Personi viktimë i vrasjes është M.Z. 1978, banues në lagjen Fidanishte.
Njësitet relevante të PK-së, pas marrjes se informacionit menjëherë kanë dal në vendin e ngjarjes për të siguruar prova dhe dëshmi dhe për të bërë këqyrjen e vendit të ngjarjes, dhe lidhur me këtë menjëherë është informuar prokurori i shtetit i cili po ashtu ka dalë ne vendin e ngjarjes për të udhëhequr me këqyrjen e vendit të ngjarjes dhe veprimet tjera operativo-hetimore për të mësuar të gjitha rrethanat e kësaj ngjarje dhe identifikuar të dyshimit”, thuhet në njoftimin e Policisë.
KosovaPress mëson se viktima është Mentor Zeka, ndërsa policia ende është në kërkim të dorasit apo dorasëve. Ende nuk dihen motivet e vrasjes./KosovaPerss/
