Lëvizja Vetëvendosje thotë se Kryeprokurori Sylë Hoxha doli në konferencë dhe konstatime për vdekjen e Astrit Deharit ende pa përfunduar hetimet.
Sipa këtij subjekti ekspertët e mjeksisë ligjore që i ka angazhuar familje Dehari, kanë qenë të pranishmë gjatë obduksionir, por nuk janë ftuar për të thënë fjalën e tyre dhe u jaë dhënë materialet bazë e provat, madje as fotografitë me ngjyra, transmeton Periskopi.
Sipas VV-së, raporti dhe konkluzioni i tij mbi shkaktarin e vdekjes ëhstë krejt i pabesuseshëm,. Andaj do të nmevojiten disa ditë, sipas tyre, ta analizojnë raportin e autopsisë dhe të thonë mendimin e tyre di ekspertët e angazhuar nga familja.
Ja reagimi i plotë:
Sot, avokati i familjes, z. Tomë Gashi, e ka marrë Raportin e Autopsisë. Aty konfirmohet se Astrit Dehari ka vdekur nga asfiksia mekanike, nga bllokimi i rrugëve të sipërme të frymëmarrjes nga mjeti i fortë.
Kryeprokurori z. Sylë Hoxha doli në konferencë shtypi me konstatime ende pa u bërë e pa u kryer hetimet.
Ekspertët e mjekësisë ligjore që i ka angazhuar familja, Dr.Besim Ymaj dhe Dr.Besim Latifaj, kanë qenë të pranishëm gjatë obduksionit, por nuk janë ftuar për të thënë fjalën e tyre dhe nuk u janë dhënë materialet bazë e provat, madje as fotografitë me ngjyra.
Në këtë Raport nuk shpjegohen lidhjet shkencore e logjike midis konstatimeve të shkakut të vdekjes (asfiksisë) dhe shkaktarit të vdekjes (dëmtime të vetëshkaktuara “hezituese”). Rrjedhimisht, raporti është dhe konkluzioni i tij mbi shkaktarin e vdekjes është krejt i pabesueshëm.
Do të nevojiten disa ditë që Dr.Besim Ymaj e Dr.Besim Latifaj ta analizojnë këtë Raport të Autopsisë dhe ta thonë mendimin e tyre, bazuar edhe në shënimet e tyre të vëzhgimit të obduksionit.
