Lëvizja Vetëvendosje përmes një njoftimi ka përshëndetur tërheqjen e Veselit nga kandidatura për kryeparlamentar, ndërsa sa i përket kërkesës së Kadri Veselit që ta votojnë Haradinajn, Vetëvendosje thotë se “ne nuk mund të bëjmë marrëveshje me Veselin”.
Njoftimi i plotë i Vetëvendosjes:
Ka qenë koha e fundit për reflektim e Veselit
E përshëndesim tërheqjen e Veselit nga kandidatura për kryeparlamentar. Ka qenë koha e fundit për reflektim. Ne tash presim se kush do të jetë kandidati i PAN për kryetar kuvendi. Le ta propozojnë ndonjë personalitet që është sa më gjithpërfshirës.
Sa i përket kërkesës së Veselit që ne ta votojmë Haradinajn, ne nuk mund të bëjmë marrëveshje me Veselin. Është Veseli ai që ka marrëveshje me Haradinajn. Pas dështimit të z.Haradinaj për të formuar qeverinë, radha i kalon të nominuarit tonë.
