Një aksident trafiku me fatalitet është raportuar sot rreth orës 00:50, në rrugën “Faruk Spahija” në Mitrovicë, ku si pasojë e aksidentit ka ndërruar jetë vozitësi M. XH., 36 vjeçar.
Vdekjen e ka konfirmuar mjeku kujdestar, ndërsa lëndime trupore kanë pësuar dy pasagjerë, të cilët janë dërguar për tretman mjekësor në spitalin rajonal në Mitrovicë, ku njëri dërgohet për tretman të mëtejmë në QKU në Prishtinë dhe tjetri lirohet në shtëpi.
Hetuesit e Njësisë së trafikut rajonal, prokurori kujdestar si dhe mjekësia ligjore, kanë dalë në vendin e ngjarjes dhe kanë kryer vendshikimin e ngjarjes.
Nga hetimet e para të bëra në vendngjarje, nga hetuesit e Njësisë së trafikut rajonal, bëhet e ditur se si shkaktar dyshohet të ketë qenë pakujdesia e ngasësit i cili humb kontrollin mbi automjetin duke përfunduar jashtë.
Trupi i pajetë i viktimës me urdhër të prokurorit të shtetit dërgohet në mjekësinë ligjore për obduksion.
