Kandidatja për kryetar të komunës së Mitrovicës nga radhët e PDK-së, Valdete Idrizi, është zotuar se gjatë qeverisjes së saj Mitrovica nuk do të jetë vend i stagnimit, por i zhvillimit dhe qytet aktiv.
PDK ka prezantuar sonte kandidaten për kryetare të Mitrovicës Valdete Idrizi dhe kandidatët për asamble komunale.
Kandidatja e PDK-së, Valdete Idrizi, ka thënë se tashmë ndryshimi për komunën e Mitrovicës ka filluar dhe ka garantuar qytetarët e Mitrovicës, se qeverisja e saj do të jetë e përgjegjshme dhe do ta sjellë qeverisjen tek qytetarët.
Idrizi theksoi se qeverisja e saj do të jetë transparente dhe se qytetarët e Mitrovicës do të dinë se si shpenzohet paraja publike. /KP
