Kandidatja e PDK-së për kryetare të Mitrovicës, Valdete Idrizi, ka kryer obligimin qytetar, duke votuar sot rreth orës 9:40 në shkollën ‘Çajupi’ në Mitrovicë, për balotazhin që po mbahet në vend.
Idrizi gjatë procesit të votimit ishte e shoqëruar nga nëna e saj, ndërsa ka falënderuar mitrovicasit pa dallim, për një fushatë të qetë dhe dinjitoze.
Ajo ka ftuar qytetarët që të dalin në numër sa më të madh dhe të ushtrojnë detyrën e tyre të garantuar me kushtetutë.
“Fillimisht dua të falënderoj qytetarët e Mitrovicës për një fushatë shumë të qetë dhe shumë dinjitoze…Po e shoh se është një ditë e mirë, uroj të jetë kështu, e qetë, dinjitoze dhe të dalin numër sa më i madh i qytetarëve të ushtrojnë detyrën e tyre”, ka thënë Idrizi. /KP/
