Ushtria izraelite ka kryer sulme me tanke ndaj bastioneve të Hamas-it në veri të Rripit të Gazës, raporton Anadolu Agency (AA).
Zëdhënësi i ushtrisë izraelite njoftoi se tanket e ushtrisë kanë goditur disa bastione të Hamas-it në veri të Rripit të Gazës.
Në njoftim theksohet se sulmi me tanke është kryer si kundërpërgjigje e sulmit të sotëm në mëngjes nga Gaza, i cili është kryer në rajon afër qytetit izraelit Ashkelon.
Raketa ka rënë në zonë të pabanuar dhe askush nuk ka humbur jetën dhe nuk ka të lënduar. Asnjë nga grupet palestineze në Rripin e Gazës nuk ka ndërmarrë përgjegjësinë për sulmin me raketë.
