Presidenti i Shteteve të Bashkuara të Amerikës, Donald Trump, e ka uruar kryeministrin e porsazgjedhur të Britanisë së Madhe, Boris Johnson.
Urimin e tij presidenti amerikan e bëri përmes një postimi në rrjetin social, Twitter.
“Urime Boris Johnson-it për zgjedhjen si kryeministër i ri i Mbretërisë së Bashkuar. Ai do të jetë i mrekullueshëm”, shkroi presidenti amerikan.
Congratulations to Boris Johnson on becoming the new Prime Minister of the United Kingdom. He will be great!
— Donald J. Trump (@realDonaldTrump) July 23, 2019
Ish-kryetari i Londrës, i cili për një kohë të gjatë i ka shprehur ambiciet e tij për të ardhur në krye të qeverisë britanike, u zgjodh kryetar i Partisë Konservatore dhe kryeministër i Britanisë me 66 për qind të votave të anëtarëve të partisë.
Megjithatë, caktimi i tij në këtë pozitë nuk është mirëpritur nga të gjithë. Disa ministra kanë paralajmëruar se do të japin dorëheqje, sepse nuk pranojnë t’i shërbejnë atij në qeveri, shkruan “The Guardian”, transmeton Gazeta Express.
