Një ngjarje e rëndë është shënuar mbrëmjen e djeshme, ku një shqiptare ka humbur jetën në Treviso, Itali.
Mediat italiane bëjnë me dije se 77-vjeçarja Gjyle Mina, është përplasur për vdekje nga një ‘Fiat Panda’, teksa e moshuara ka qenë duke kaluar rrugën.
Policia ka shkuar në vendin e ngjarjes, dhe ka vënë në pranga drejtuesin e mjetit, një 54-vjeçar italian.
Edhe pse të moshuarës shqiptare iu dha ndihma e parë, ajo nuk mundi të mbijetonte, pasi ajo goditi kokën me kofanon e makinës, ndërsa më pas ka rënë në tokë.
