Mëngjesin e sotëm një 35-vjeçar ka qëlluar me armë në drejtim të tre personave, vëllezër me njëri-tjetrin. Sipas policisë, ngjarja ka ndodhur rreth orës 07:35 në rrugën “Sadik Petrela” .
Sipas policisë, me marrjen e njoftimit, është mundur të vihet në pranga në flagrancë nga shërbimet e Komisariatit të Policisë numër 4, 35-vjeçari Leonard Kaçaniku.
Ai ka qëlluar gjatë një konflikti me 3 vëllezërit K. B, 38 vjeç, Sh. B, 34 vjeç dhe E. B, 36 vjeç.
Personit ju gjet një armë tip “Beretë”, me të cilën dyshohet se ka qëlluar 2 herë në drejtim të tre vëllezërve.
Grupi hetimor në vendngjarje për momentin ka gjetur një gëzhojë.
