Presidenti Hashim Thaçi ka kujtuar 14 ushtarët britanikë të rënë në krye të detyrës në Kosovë, në kuadër të misionit të NATO-s.
Thaçi ka shkruar se ata që me sakrificën e tyre ndërtuan paqen dhe humbën jetën në Kosovë, janë heronj edhe të Kosovës.
“Nderim i përjetshëm për rreth 200 gra e burra që humbën jetën si pjesë e misionit të KFOR-it në Kosovë. Në kuadër të ceremonisë së Ditës së Përkujtimit të Mbretërisë së Bashkuar, sot nderojmë sakrificën e 14 ushtarëve britanikë, të cilët ranë në krye të detyrës, duke i shërbyer paqes dhe stabilitetit në Kosovë. Ata që me sakrificën e tyre ndërtuan paqen dhe humbën jetën në vendin tonë, nuk janë vetëm heronj të KFOR-it dhe shteteve anëtare të NATO-s, por edhe të Republikës së Kosovës. HTH”, ka shkruar Thaçi, përcjell FaktePlus.
