Presidenti i vendit, Hashim Thaçi, ka deklaruar se dialogu në mes Prishtinës dhe Beogradit do të ngrihet në nivel presidencial.
Në një deklaratë për Deutsche Welle, siç e transmeton rtk, Thaçi ka thënë se fokusi i bisedimeve do të jetë në kontekstin më të gjerë politik për të arritur një marrëveshje që do të çonte në marrëdhëniet e fqinjësisë së mirë, bashkëpunimit, normalizimit dhe pajtimit.
Kjo deklaratë e Thaçit erdhi menjëherë pas mbajtjes së zgjedhjeve nacionale në vend, rezultati i të cilave ende nuk është përfundimtar.
