Presidenti Hashim Thaçi ka thënë se ekipi i tij do të komunikojë me ekipin e përfaqësuesit special të BE-së, Miroslav Lajçak Lajçak pasi të vije në Prishtinë, dhe do të vendoset nëse do ta takohet apo jo, raporton Ekonomia online.
“Lajçak nuk është në Kosovë, në momentin që zbret në orët e mëvonshme ekipet do të komunikojnë me njëra-tjetrën, nëse ka diçka konkrete natyrisht se nuk ka arsye për të mos u takuar, por nëse vjen për të hulumtuar teren nuk ka arsye për t’u takuar”.
Thaçi tha se Lajçak duhet të jetë i qartë për vizat dhe të tregojë se çfarë qëndrimi kanë shtetet anëtare dhe si do ta trajtojnë Kosovën.
“Nëse e trajton si shtet sovran do të jetë procesi me i lehtë, nëse jo do të jetë një mision jo i suksesshëm nga ana e tij”.
