Ngrohtorja e Prishtinës, “Termokos”, është e gatshme të nisë sot sezonin e ngrohjes.
Zyrtarë të kësaj kompanie thonë se gjithçka është bërë gati dhe premtojnë se cilësia e ngrohjes do të jetë shumë e mirë për të gjithë ata që janë të kyçur në rrjetin e ngrohjes.
Afërdita Uka, zëdhënëse e “Termokosit”, në një deklaratë të dhënë mëngjesin e sotëm e ka konfirmuar këtë, duke shtuar se për shkak të motit të ngrohtë, do të punojnë me kapacitet më të vogël.
“Po jemi të gatshëm dhe sot do të nisë ngrohja. Sigurisht, do të punojmë me kapacitet pak më të vogël, ditën më pak e pasdite e gjatë natës ashtu si është nevoja”, tha Uka.
Kujtojmë se në kuadër të zgjerimit të rrjetit të “Termokosit” këtë vit si lagje e re, e cila do të kyçet ne rrjetin e ngrohjes, është lagjja Kalabria në kryeqytet.
