Tre persona janë përfshirë në një përleshje të martën, në Pallatin e Drejtësisë në Hajvali.
Sipas policisë rasti ka ndodhur pas përfundimit të një seance gjyqësore, ku njëri nga qytetarët ka pësuar lëndime trupore.
Lidhur më këtë rast janë arrestuar dy persona, ndërsa te njëri prej tyre është gjetur dhe konfiskuar një armë zjarri me disa fishek.
“Raportohet se pas një seance gjyqësore, në parking të veturave ka ardhur deri te përleshja ndërmjet tre të dyshuarve meshkuj K-shqiptarë. Njësia policore ka arritur të arrestojë dy të dyshuar dhe nga njëri ka konfiskuar një revole me tetë fishekë, ndërsa i dyshuari i tretë gjendet në arrati. Njëri nga të dyshuarit ka pranuar tretman mjekësor”, thuhet në njoftimin e policisë.
Me urdhër të prokurorit të dyshuarit janë dërguar në mbajtje./Lajmi.net/
