Sinoptikët parashohin që edhe gjatë ditës së sotme do të mbajë mot me diell dhe pjesërisht i vranët në Kosovë.
Orët e mëngjesit do të jenë me ngrica dhe mjegull të lehtë.
Temperaturat minimale do të lëvizin ndërmjet -4 deri -7 gradë celsius, ndërsa maksimalet e ditës parashihen të lëvizin ndërmjet 5-6 gradë celsius.
Do të fryjë erë e lehtë deri mesatare nga drejtimi i verilindjes.
E reshje shiu nuk parashihet të ketë, përpos riga të dobëta dhe të izoluara në disa pjesë të vendit, kryesisht në jug dhe juglindje.
Bazuar në këtë situatë meteorologjike sot cilësia e ajrit do të jetë në vlerat e pashëndetshme, derisa të shtunën pritet përmirësim i vogël.
