Temperaturat gjatë ditës së sotme në vend, sipas matjeve të Institutit Hidrometeorologjik të Kosovës, kanë arritur deri në 27 gradë Celsius në Dukagjin dhe në Anamoravë, e në Prishtinë deri në 25C. Në aeroportin e Prishtinës temperatura më e lartë e regjistruar ishte 26C, bën të ditur Prishtina Weather.
Shërbimi i meteorologjisë paralajmëron se ditën e diel pritet të mbajë mot i ngrohtë, pjesërisht i vranët, e temperaturat më të larta gjatë ditës do të rriten në 24C deri 26C.
Sipas PW, nga dita e hënë pritet shtim i vranësirave, e orëve të mbrëmjes mundësi edhe të për të reshura shiu.
“Reshjet e shiut do të vazhdojnë ditën e martë dhe ditën e mërkurë. Nga e hëna pritet rënie e temperaturave maksimale në 17C deri 19C, e ditën e martë edhe deri në 10C”, paralajmëron PW.
