Drejtori i Kulturës i Komunës së Prishtinës, Besart Vllahinja vizitoi shoqatën ndër komunale të të verbërve.
Qëllimi i kësaj vizite ishte që përfaqësuesve të shoqatës t`i shpalos iniciativën që Drejtoria e Kulturës ka marrë lidhur me shkrimin e formularëve dhe thirrjes për aplikim për subvencione në fushat e ndryshme të kulturës në alfabetin e Brajdit.
Drejtori Vllahinja u tha përfaqësuesve të shoqatës që kjo iniciativë synon përmbushjen e obligimeve kushtetuese dhe zbatueshmerinë e ligjit për personat e verbër .
Ai shtoi se përmes dokumenteve të shkruara në alfabetin e Brajdit personat e kësaj kategorie të shoqërisë do ta ruajnë dhe mësojnë praktikën e leximit në Brajd. Kjo njëherazi shënon edhe fillimin e kampanjës për sensibilizimin e komunitetit dhe institucioneve.
Kryetari i shoqatës së të verbërve Ujup Reçica , falënderoi drejtorin Vllahinja për vizitën dhe çmoi lart iniciativën dhe përkrahjen e përgjithshme të Drejtorisë së Kulturës për personat e verbër të Komunës se Prishtinës.
Në mënyre simbolike drejtori Vllahinja u dorëzoi pesë kopje të formularit për aplikim dhe nga një kopje aplikime për: arte vizuale, botim, festivale, film, manifestime dhe organizime, muzikë, teatër, sport dhe për projekte rinore.
