Vullnetarë nga Shqipëria, Kosova, Mali i Zi, Maqedonia, Greqia, Serbia, Bullgaria, Suedia, Britania, Amerika dhe Bosnje dhe Hercegovina, janë bashkuar sot kapin e Kampit të 32-të Rajonal për Restaurim, i cili u hap në Muzeun e Kosovës.
Gjatë dhjetë ditëve do të punohet me konservim preventiv të artefakteve të muzeut.
Koordinator i kampit 32 të restaurimit, Miran Bllaci ka treguar qëllimet e këtij kampi.
“Kampet janë një platformë ballkanike që inkurajojnë të rinjve në trashëgimin kulturore për dy arsye kulturore, e para është ripajtimi i marrëdhënieve në mes pjesëmarrëseve që vinë nga vendet e ndryshme ballkanike dhe e dyta është ruajtja dhe pëlqimi i teknikave tradicionale, materialeve tradicionale dhe gjithashtu afrimi i brezave të rinj në profesionet e trashëgimisë”, tha ai.
Drejtori i Muzeut të Kosovës, Skënder Boshtrakaj ka thënë se Muzeu i Kosovës tani ka në fokus fëmijët dhe të rinjtë, pastaj grupet akademike, studiues dhe njerëz që punojnë me artefakte dhe turistët.
“Muzeu i Kosovës i ka tri role, si nikoqir i kampit duke përfituar nga kontaktet e profesionistëve që mbajnë trajnimet por edhe me pjesëmarrësit që vinë nga i gjithë rajoni. Në rend të dytë stafi do të asiston në konservim preventiv dhe i tërë stafi që është i përfshirë në laboratorët e Muzeut do të përfitojë nga këto përvoja“, tha ai.
Në fund të kampit, Muzeu i Kosovës planifikon të fillojnë me një ekspozitë të veçantë që vjen nga Muzeu i Durrësit, për personat e verbër dhe shikim të dobësuar./KosovaPress/
