Kryesia e Kuvendit do të mblidhet të martën, në mënyrë që seanca të caktohet për të enjten.
Marrëveshja e demarkacionit me Malin e Zi pas gati një viti përfundimisht është në duart e deputetëve të Kuvendit të Kosovës.
Të martën, Projektligji i ratifikuar në Qeveri javën e kaluar do të shqyrtohet në Komisionin Parlamentar për Punë të Jashtme, shkruan sot Koha Ditore.
Më pas Kryesia e Kuvendit do të vendosë se kur do të caktohet seanca për votimin e tij.
Megjithëse Kryesia ende nuk ka thirrur mbledhje, “Koha Ditore” merr vesh se ajo do të mblidhet të martën, në mënyrë që seanca të caktohet për të enjten. Partitë në pushtet kanë intensifikuar takimet për t’i bindur deputetët që ta miratojnë marrëveshjen.
Burime të Express brenda Kuvendit javën e kaluar kanë bërë të ditur se rafitikimi i marrëveshjes së demarkacionit do të përfundojë para vizitës së zëvendëspresidentit amerikan Joe Biden, i cili do ta vizitojë Kosovën më 17 gusht.
