Sulmi i pretenduar seksual i një vajze 15-vjeçare nga pesë apo gjashtë meshkuj u transmetua drejtpërdrejt në Facebook, sipas policisë në Chicago.
Rreth 40 persona u tha se kanë qenë duke e shikuar ngjarjen në Facebook, por askush nuk raportoi për incidentin në polici, shkruan BBC.
Një zëdhënës i policisë tha se autoritetet janë informuar nga nëna e vajzës, e cila e kishte lajmëruar kreun e policisë rreth rastit.
Detektivët kanë marrë në pyetje disa persona, por nuk është raportuar për arrestime.
Vajza ishte zhdukur për një ditë nga shtëpia, dhe tani është ribashkuar me familjen e saj.
Videoja ndërkaq, është hequr nga rrjeti social Facebook, transmeton KosovaPress.
