Celula terroriste që kreu dy sulme në Spanjë këtë javë kishte mbledhur 120 bombola të gazit dhe po planifikonte t’i përdorte ato në sulmet me automjete, thonë policia spanjolle.
Ato u gjetën në një shtëpi, që thuhet të përdoret nga celula , që shpërtheu në qytetin e Alcanar të mërkurën mbrëma.
Policia ende është në kërkim të shoferit të furgonit që goditi dhjetëra njerëz në Las Ramblas të Barcelonës, duke vrarë 13 persona.
Të dielën u mbajtën homazhe në Barcelonë për nder të viktimave.
Përveç 13 të vrarëve të enjten pasdite në Las Ramblas, një grua vdiq në një sulm të dytë me automjet mëngjesin e hershëm të së premtes në qytetin e Cambrils, transmeton KosovaPress.
Pesë xhihadistë të dyshuar u vranë nga policia në sulmin e dytë.
Autoritetet katalanase ka konfirmuar se një australian shtatëvjeçar, Julian Cadman, ishte mes të vrarëve në Barcelonë.
Ai ishte shpallur i zhdukur që kur u nda nga nëna e tij e plagosur gjatë sulmit, dhe familja e tij kishte bërë apele për të lajmëruar për vendndodhjen e tij.
