Të paktën 20 persona janë vrarë dhe shumë të tjerë kanë mbetur të plagosur, në një sërë shpërthimesh të cilat ndodhën në ndërtesat e sigurisë në qytetin Homs të Sirisë.
Mediat vendase njoftojnë se shpërthimet kanë ndodhur të shtunën në mëngjes dhe se bëhet fjalë për një sulm vetëvrasës.
Jetën e kanë humbur të paktën 20 njerëz, ndërsa një numër i madh i tyre ka mbetur i plagosur.
Homsi është qyteti i tretë për nga madhësia në Siri, pjesë e madhe e të cilit është në kontroll të forcave të regjimit të presidentit Bashar al-Assad.
