Të paktën 22 persona janë vrarë në një sulm vetëvrasës në një dasmë kurde në verilindje të Sirisë.
Mbikëqyerësi Sirian për të Drejtat e Njeriut me seli në Britani të Madhe, i cili mbështetet në një rrjet kontaktesh nëpër Siri, raporton se kamikazi i ISIS hodhi veten në erë në parti të dasmës kurde dje, duke vrarë 22 persona, transmeton Express.
Ky grup, së pari raportoi për 12 të vrarë, por më pas e rriti numrin në 22, ndërkohë mediat kurde raportojnë se edhe 47 persona të tjerë janë lënduar.
Dasma në fshatin al-Tal, i cili kontrollohet nga kurdët, ishte e një anëtari të Forcave Demokratike Siriane më shumicë kurde, një grup ky i cili është duke e luftuar ISIS-in në veri të vendit.
Raportohet se në mesin e të vrarëve është edhe dhëndëri.
