Një hetim ka nisur ndaj një gruaje e cila e ka xhiruar veten duke e përdhunuar librin e shenjtë të kuranit, si dhe duke i kërcënuar me luftë myslimanët.
Për më tepër, ajo i ka quajtur parazitë myslimanët, transmeton Express.
Ekstremistja e ka xhiruar veten duke ia grisur faqet e kuranit teksa qesh. Ajo ka shkuar edhe më larg duke urinuar mbi kuran, hedhur benzine dhe duke ia vënë flaken në fund.
Duke qëndruar para flamurit kombëtar të Sllovakisë, ajo bëri këtë veprim ekstrem duke e kërcënuar komunitetin mysliman në vendin e vet.
Sipas the Mirror, ajo mund të dëgjohet në video duke thënë:
Do t’ju ndjek hap pas hapi të gjithë juve. Nuk ka rëndësi a është grua, fëmijë apo burrë. Do ta zhduk secilin që më del përpara. Nuk më bën për ankesat kriminale. Nuk më ndalin. Kam një mesazh për të gjithë – përfshirë dhe policinë – askush nuk do të mund të më ndalë mua!
/Gazeta Express/
