Zyra e prokurorisë në vend ka 48 orë kohë për të vendosur nëse do të arrestojë zyrtarisht Choi Soon-sil
Choi Soon-sil, ishte një mike e vjetër e Presidentit Park Geun-hye, akuzohet se ka ndërhyrë në punët e shtetit.
Prokurorët kanë 48 orë kohë që nga ndalimi i saj i cili u bë të hënën, për të vendosur nëse do ta arrestojnë zyrtarisht.
Të hënën, tetë banka janë bastisur në lidhje me skandalin, raportuan mediat në Kore së Jugut.
Agjencia e lajmeve Yonhap tha se autoritetet janë duke u përpjekur që të konfiskojnë dokumentet që lidhen me transaksionet financiare të zonjës Choi, transmeton KosovaPress.
Choi është akuzuar për shpërdorimin e parave dhe presion ndaj kompanive për të dhënë donacione për fondacionet nga të cilat kishte përfituar ajo, në bazë të afërsisë së saj për presidentin.
Ajo gjithashtu akuzohet për përfshirje në vendimmarrje të nivelit të lartë.
