Në zgjedhjet e parakohshme të 11 qershorit, veç garës mes partive politike, në garë ishin edhe liderët e partive, se cili do të merr mbështetjen më të madhe nga votuesit.
Mbështetjen më të madhe nga votuesit e ka marrë ish lideri i Lëvizjes Vetëvendosje dhe i nominuari nga kjo parti për kryeministër, Albin Kurti, i cili ka marrë 143,642 vota. I dyti radhitët kryetari i PDK-së, Kadri Veseli me 129,818 vota. Pas tij me numrin më të madh të votave radhitet i nominuari nga LDK për kryeministër, Avdulla Hoti me 115,658 vota. Lideri i AAK-së, Ramush Haradinaj me 101,994 vota, është i katërti, i nominuar për kryeministër nga PAN-i. Pas tij vjen kryetari i Vetëvendosjes, Visar Ymeri me 40,981 vota, i ndjekur nga lideri i AKR-së, Behgjet Pacolli me 35,775 vota dhe i fundit është lideri i Nismës, Fatmir Limaj, me 31,411 vota./KosovaPress/
