Një mosmarrëveshje mes disa qytetarëve në Prishtinë ka përfunduar me tre persona në spital, të cilët u therën më thikë nga një person i vetëm, i cili më vonë është arrestuar nga policia.
Kjo ngjarje e rëndë, që policia e konsideron si vrasje në tentativë dhe lëndim trupor, thuhet se ka ndodhur dje pasdite rreth orës 15:30 në lagjen “Kalabria” në Prishtinë, shkruan FaktePlus.
“Është raportuar se pas një mosmarrëveshje i dyshuari shqiptar ka sulmuar fizikisht me thikë tri viktima meshkuj K/Shqiptarë duke iu shkaktuar lëndime trupore”, njofton policia.
Bëhet e ditur se tri viktimat që pësuan plagë nga therja me thikë janë dërguar në Qendrën Klinike dhe Universitare të Kosovës (QKUK) për trajtim mjekësor.
Policia ka treguar se i dyshuari që bëri për spital tre persona është arrestuar dhe me vendim të prokurorit është dërguar në mbajtje për 48 orë deri në marrjen e një vendimi tjetër nga organet e drejtësisë./FaktePlus
