Ministrja e Shqipërisë për Inovacion dhe Administratë Publike, Milena Harito dhe ministri i Administratës Publike të Kosovës, Mahir Yagcilar, kanë nënshkruar Planin e Veprimit për Zbatimin e Marrëveshjes së Bashkëpunimit.
Me këtë rast Mahir Yagcilar tha se në këtë marrëveshje janë parapara një mori bashkëpunimi për reformat e Administratës Publike.
Ndërsa, Milena Harito tha se kjo marrëveshje konkretizohet me një plan të veprimit.
“Shqipëria dhe Kosova janë duke vazhduar procese të shumta të bashkëpunimit. Është shumë e rëndësishme ta çojmë përpara Administratën sepse është kusht për integrim në Bashkimin Evropian”, ka thënë ministrja Harito./KosovaPress/
