Policia e Durrësit ka dhënë detaje për shpërthimin që ndodhi pasditen e ditës së sotme në Fushë-Krujë.
Mësohet se ngjarja ka ndodhur rreth orës 17:45, ku në trotuar në lagjen “Punëtori”, Fushë-Krujë është hedhur një sasi e vogël eksplozivi.
Po ashtu, policia thotë se si pasojë janë shkaktuar dëme të vogla materiale duke u krisur xhamat e tre mjeteve të parkuara në anë të rrugës ku ka shpërthyer lënda eksplozive.
Në vendngjarje ndodhen Efektivat e Policisë, të cilët po punojnë për identifikimin e autorëve dhe zbardhjen e plotë të ngjarjes.
